«كان هيجيب واحدة مش عايز اسمي يتربط بيها».. عمر كمال عن عدم ظهوره مع رامز جلال

كشف مطرب المهرجانات الشعبية عمر كمال، سبب عدم حلوله ضيفًا على الفنان رامز جلال، في برنامج المقالب الشهير رامز جاب من الآخر، الذي عرض خلال شهر رمضان 2024.

سبب رفض عمر كمال الظهور ببرنامج رامز جلال

وقال عمر كمال، في لقاءه مع الإعلامية أميرة بدر، في برنامجها خلاصة الكلام، المذاع عبر شاشة قناة النهار: «كنت عارف أنهم عايزين طرف تاني يطلع معايا وأنا مرضتش، وأنا مكنتش عايز أظهرها للجمهور معايا أصلًا في صورة واحدة، وهما كلموني وعرفت أنهم هيجبوها وأنا رفضت وقولت مش هروح».

وتابع: «مش حابب أن اسمي يرتبط بالعلاقة دي، ومحبتش أن اسمي يتحط معاها، ومش فارق معايا الفلوس بتاعة البرنامج الحمد لله ربنا كارمني«.

أما عن حلقة حمو بيكا، وكزبرة، فعلق عمر كمال: «حلقة حمو بيكا وكزبرة جميلة وضحكت فيها من قلبي، ودي طبيعة بيكا في الحياة».

2024-05-04T01:59:07Z dg43tfdfdgfd